.. طريقة دمج الصور بأداة التحديد ..

السلام عليكم ورحمة الله وبركاته

اخباركم ان شا الله تمام

راح نتعلم اليوم طريقة دمج بأستخدام أداة التحديد وهي أسهل طريقه في طرق الدمج ولا تحتاج لوقت

اولا
راح نختار الصور اللي نبي ندمجها مع بعض
أنا اخترت صورتين و راح ادمج صورة البنت

بعدها راح اسحب الصوره اللي ابي ادمجها لصوره الاساسيه

اللحين نروح لشريط الادوات ونختار اداة lasso كما بالصوره

راح نروح لصورة البنت ونحدد المنطقه اللي نبي ندمجها
ملاحظه : عشان يطلع الدمج بصوره افضل لازم نعرج خط التحديد عشان ما تطلع لنا خطوط مستقيمه
بعد ما نخلص راح يطلع لنا هالشكل

اللحين نضغط بزر الفاره اليمين على التحديد راح تطلع قائمه نختار امر feather
او ممكن نختار من قائمة select امر feather

راح تطلع لنا نافذه

كل ما زادت القيمه كلما زاد إخفاء الصوره وانا اخترت 18 بعدها ok

اروح لتحديد مره ثانيه و اضغط بزر الفاره اليمين واختار من القائمه امر select inverse

او من قائمة select اختار select inverse

راح نلاحظ ان العمل كله تحدد
نضغط من لوحة المفاتيح على delete عشان تندمج الصوره
عشان نوخر التحديد نضغط بزر الفاره اليمين ونختار deselect
او من قائمة select نختار deselect

نقدر انضبط الصوره من خلال mode
انا حولتها من normal الى overlay

وانا يوم دمجت الصوره طلع عندي خط مستقيم نختار اداة الممحاه وممكن اختار الشكل المناسب لي
واقدر اتحكم في درجة الممحاه من شريط الاختيارات او options ونقدر انطلعه من قائمة window
وهذا الشكل النهائي

ان شا الله تستفيدون من الدرس
وللامانه انا استفدت من درس وقمت بتطبيقه وكتابة الموضوع من جديد باسلوبي
بس الصور اللي بالدرس من البنت اللي انا تعلمت منها كيف ادمج
انا كنت ابغا اسوي الصور بنفسي بس عشان الفوتوشوب حقي عربي واللي طلبت مني اسوي الدرس الفوتوشوب حقها انجلش
>>>>>> تبرر موقفها

اتمنى اشوف التطبيقات واي سؤال او استفسار عن الدرس انا جاهزة

تحيآآتي يا حيآآآتي >> تستهبل