شوفوا يا بنات انواع الشباب عند الاشاره
اذا وقفتي في الاشاره ... ماله داعي الملل تبين تحسين انج قاعده في مسرحيه ماعليج الا انج تشوفين سياره الشباب وبعدها بتمووووووتيييين من الضحك على حركاتهم
وليكن شعارنا من اليوم
((لا للملل عند الاشارات بوجود التماسيح))
هذي ياحلوين بعض حركاتهم وماخفي كان اعظم .........
1. يستغل وقته ويرتب سيارته .. ويفتح درج السياره .. ويقطع الفواتير ويرميها بالشارع .. وفجأه !!! .. ماتدرون الا وهو ناقز في المرتبه اللي ورا .. ولا تستغربون اذا شفتوه ناط في شنطه السياره .. << الرجال مرتب ...
وتشتغل الاشاره وهو ينظف ...
2. توه مكتشف ان وجهه محتاج تنظيف وسمكره .. ويسحب المنديل وعلى خشمه .. واذا خلص طفى السياره عشان ينظف اذنه بمفتاح السياره .. وشوي يقص اظافر يده .. وماتدرون الا وهو رافع رجله عشان يقص اظافرها .. هذا اذا معه مقص اظافر واذا ما معه فالحل موجود طبعا يقص بواسطه اسنانه .. << قمة النظافه
3. اذا وقفوا عن الاشاره يستعرض ويرقص و وربعه وصوت المسجل على الاااااخر تقولون محد عنده مسجل بسيارته الا هم .. ويرقص السياره معهم .. << يعني شوفونا
4. عكس اللي قبله .. يشغل اغاني حزينه .. وانواع القلق و الحزن و التفكير .. وطبعا الاغنيه من كثر ما هي حزينه و قديمه .. يكون وجهه مورم من كثر الصياح و الاحزان .. << الله لا يبلانا
5. ما يسمع اغاني و ما تسمعون الا هواشه و تلعينه على اللي معه في السياره .. وماتدرون الا وهو ساحب العقال .. (( اذا كان لابس جينز يسحب الحزام اقوى من العقال )) .. ومخرب الشخصيه (( يستخدم اساليب التربيه الحديثه )) ويصفق عياله بكرتون المناديل ..<< ماينلام يبي يربي عياله !!!
6. هذا اذا شفتوه ترحمونه تقولون ميت جوع .. وتشكون انه قاعد في مطعم مو في سياره ..الرجال ماسك الهمبرجر بيد و البيبسي و الشبس بيد و البيتزا ورا ..
7. هذا تحسون ما عنده وقت ابد ودايم انيق .. ولابس نظاره وخاتم .. ومبحلق في الجريده .. ومسوي زحمه في الشارع .. واللي جنبه طفشان و شغال مسجات بالجوال ..
8. و هذا اللي قاعد يلعب بالبلوتوث .. يمكن يصيد له شي من السيياير اللي جنبه ..
9. وهذا اللي سيارته زحمه .. مو ناس .. ما خلى ثوب ولا غتره ولا نعال (( الله يكرمكم )) والا ومركبها معاه ..<< كبت متنقل ههههههههههههههه
**************
